| სტატუსი | აირჩიეთ ქალაქი |
| ბრენდის ქვეყანა | |
| რაოდენობა და ფორმა | 24 საღეჭი ტაბლეტი |
| მოქმედი ნივთიერება | calcium carbonate+magnesium carbonate |
გამოყენების ჩვენებები კუჭის წვენის მომატებული მჟავიანობასთან დაკავშირებული სიმპტომები, გულძმარვა, ბოყინი, კუჭის არეში პერიოდული ტკივილები, საჭმლის მონელების დარღვევა, დისპეფსია.
რენი (RENNIE®)
ფურცელ-ჩანართი (პაციენტებისთვის)
საერთაშორისო არაპატენტირებული დასახელება
არ არსებობს.
სავაჭრო დასახელება
რენი.
წამლის ფორმა
საღეჭი ტაბლეტები მენთოლის გემოთი.
აღწერილობა
თეთრი ან მოყვითალო-მოთეთრო ფერის კვადრატული ტაბლეტები ჩაზნექილი ზედაპირებით, ორივე მხარეს გრავირებით «RENNIE», მენთოლის სუნით.
ფარმაკოთერაპიული ჯგუფი
ანტაციდური საშუალებების სხვა კომბინაციები. ათქ კოდი: A02AX.
მოქმედი ნივთიერებები:
კალციუმის კარბონატი 680 მგ;
მაგნიუმის ფუძე კარბონატი, მძიმე 80 მგ.
დამხმარე ნივთიერებები: საქაროზა, სიმინდის პრეჟელატინიზირებული სახამებელი, კარტოფილის სახამებელი, ტალკი (E553b), მაგნიუმის სტეარატი (E572), მსუბუქი თხევადი პარაფინი, მენთოლის არომატიზატორი, ლიმონის არომატიზატორი.
იხილეთ ბლოგი: რენი — სწრაფი დახმარება გულძმარვისა და კუჭის მჟავიანობის დროს
ფარმაკოლოგიური თვისებები
ფარმაკოდინამიკა
პრეპარატი შეიცავს ანტაციდურ ნივთიერებებს: კალციუმის კარბონატს და მაგნიუმის კარბონატს. აქვს ადგილობრივი მოქმედების მექანიზმი, არ არის დამოკიდებული სისტემური სისხლის მიმოქცევაში მოქმედი ნივთიერებების მიწოდებაზე. კალციუმის კარბონატს აქვს მანეიტრალიზირებელი მოქმედება. აღნიშნული ეფექტი ძლიერდება მაგნიუმის კარბონატის დამატებით, რომელსაც ასევე აქვს მანეიტრალიზირებელი მოქმედება.
ფარმაკოკინეტიკა
რენის კუჭის წვენთან ურთიერთქმედებისას წარმოიქმნება კალციუმისა და მაგნიუმის ხსნადი მარილები.
კალციუმის და მაგნიუმის ამ შენაერთებიდან შეწოვის ხარისხი დამოკიდებულია პრეპარატის დოზებზე და ინდივიდუალურ თავისებურებებზე. მაქსიმალური შეწოვის ხარისხი - 10 % კალციუმი და 15-20% მაგნიუმი. ჯანმრთელ ადამიანებში აბსორბირებული კალციუმის და მაგნიუმის გარკვეული რაოდენობა გამოიყოფა თირკმელების მეშვეობით. თირკმლის ფუნქციის დარღვევის დროს კალციუმისა და მაგნიუმის კონცენტრაცია პლაზმაში შეიძლება გაიზარდოს. ნაწლავებში გახსნილი მარილებიდან წარმოიქმნება არახსნადი შენაერთები, რომელიც გამოიყოფა განავალთან ერთად.
გამოიყენება გულძმარვისა და მჟავა რეფლუქსის დროს.
მიღების წესი და დოზირება
მოზრდილები და 12 წელზე უფროსი ასაკის ბავშვები: ერთჯერადი დოზა 1-2 ტაბლეტი, ტკივილისას დღეში 4-დან 8 ტაბლეტამდე. ტაბლეტი შეიძლება დაიღეჭოს ან გაჩერდეს პირში სრულ გაწოვამდე.
ძლიერი ტკივილის დროს სამკურნალო საშუალების დოზირება შეიძლება გაიზარდოს დღეში 11 ტაბლეტამდე.
სამკურნალო საშუალების მიღების ხანგრძლივობა არ უნდა აღემატებოდეს 10 დღეს.
გვერდითი მოქმედებები
ქვემოთ ჩამოთვლილი გვერდითი რეაქციები ემყარება სპონტანურ შეტყობინებებს, ამიტომ მათი განაწილება შესაბამის სიხშირის კატეგორიებში არ გამოიყენება.
იმუნური სისტემის მხრივ: ძალიან იშვიათად ალერგიული რეაქციები - გამონაყარი, ჭინჭრის ციება, კვინკეს შეშუპება და ანაფილაქსია.
კნტ-ს მხრივ: გულისრევა, ღებინება, საჭმლის მონელების დარღვევა, დიარეა.
ნივთიერებათა ცვლის და კვების მხრივ: თირკმლის ფუნქციის დარღვევის მქონე პაციენტებში პრეპარატის დიდი დოზებით ხანგრძლივად გამოყენებამ შეიძლება გამოიწვიოს ისეთი რეაქციები, რომელიც დაკავშირებულია ჭარბ დოზირებასთან - ჰიპერმაგნიემიასთან, ჰიპერკალციემიასთან და ალკალოზთან, რამაც შეიძლება მოახდინოს კნტ-ის სიმპტომების (გულისრევა, ღებინება, ყაბზობა) და კუნთების სისუსტის პროვოცირება.
ჩონჩხ-კუნთოვანი სისტემისა და შემაერთებელი ქსოვილის მხრივ: კუნთების სისუსტე.
ნერვული სისტემის მხრივ: გემოს დაკარგვა, თავის ტკივილი.
თირკმელების და საშარდე გზების მხრივ: აზოტემია.
გვერდითი რეაქციები, დაკავშირებული რძემჟავა-ტუტოვან სინდრომთან: ასთენია და კალცინოზი.
შეტყობინება არასასურველი რეაქციების შესახებ
თუ თქვენ გამოგივლინდათ ნებისმიერი სახის არასასურველი რეაქცია, მიმართეთ ექიმს. აღნიშნული რეკომენდაცია ვრცელდება ნებისმიერი სახის არასასურველ რეაქციებზე, მათ შორის მათზეც, რომელიც არ არის ჩამოთვლილი ფურცელ-ჩანართში. ინფორმაცია სამკურნალო საშუალებების არასასურველი რეაქციების (მოქმედებების) გამოვლენისა, ასევე, წამლის არაეფექტურობის შესახებ, შეგიძლიათ გადასცეთ არასასურველი რეაქციების შესახებ ინფორმაციის მონაცემთა ბაზას. არასასურველ რეაქციებზე ინფორმაციის მიწოდებით, თქვენ გვეხმარებით მივიღოთ მეტი ინფორმაცია პრეპარატის უსაფრთხოების შესახებ.
ნეფროკალცინოზი, თირკმლის მძიმე უკმარისობა, ჰიპერკალციემია, ჰიპერკალციურია, ჰიპოფოსფატემია, მემკვიდრული დაავადებები დაკავშირებული ფრუქტოზის აუტანლობასთან, გლუკოზა-გალაქტოზის შეწოვის დარღვევასთან ან საქაროზა-იზომალტოზას უკმარისობასთან; პრეპარატის ინგრედიენტების მიმართ ჰიპერმგრძნობელობა, მიასთენია, ნაწლავთა გაუვალობა.
ჭარბი დოზირება
პრეპარატის ხანგრძლივმა გამოყენებამ დიდი დოზებით, უპირატესად თირკმლის ფუნქციის დარღვევის მქონე პაციენტებში, შეიძლება გამოიწვიოს თირკმლის უკმარისობა, ჰიპერმაგნიემია, ჰიპერკალციემია და ალკალოზი. ასეთ შემთხვევაში საჭიროა პრეპარატის მიღების შეწყვეტა და საკმარისი რაოდენობის სითხის მიღება. ჭარბი დოზირების მძიმე შემთხვევებში (მაგალითად: რძემჟავა-ტუტოვანი სინდრომი) საჭიროა ექიმთან კონსულტაცია, რადგან შესაძლებელია საჭირო გახდეს წყლის ბალანსის აღდგენის დამატებითი ზომების მიღება.
მკურნალობა სიმპტომურია.
უსაფრთხოების ზომები
პაციენტებს ურჩევენ მიმართონ ექიმს, თუ აქვთ შემდეგი სიმპტომებიდან ერთი ან მეტი: წონის დაკლება; ყლაპვის გაძნელება ან მუდმივი დისკომფორტი კუჭის არეში; საჭმლის მონელების დარღვევები, რომლებიც პირველად გამოვლინდა ან შეიცვალა; თირკმელების დაავადებების არსებობა (ეს ინფორმაცია საჭიროა შრატში კალციუმის დონის მონიტორინგისთვის).
საქაროზას არსებობის გამო, პრეპარატი უკუნაჩვენებია პაციენტებში, ფრუქტოზას აუტანლობით, გლუკოზის და გალაქტოზას აბსორბციის დაქვეითებით, საქაროზა-იზომალტაზას უკმარისობით.
თუ მკურნალობიდან 10 დღის შემდეგ სიმპტომები შენარჩუნდა ან მდგომარეობა გაუარესდა, აუცილებელია ექიმთან კონსულტაცია გამოკვლევების ჩასატარებლად და მკურნალობის მეთოდის გადახედვა.
ხანგრძლივმა გამოყენებამ შეიძლება გაზარდოს თირკმელებში კენჭების წარმოქმნის რისკი.
სამკურნალოდ პრეპარატი არ უნდა იქნას გამოყენებული 10 დღეზე მეტხანს: გვერდითი ეფექტები აღინიშნა თიაზიდურ შარდმდენებთან კომბინაციაში მიღებისას ან პაციენტებში, რომლებიც დიდი რაოდენობით იღებდნენ რძეს ან რძის პროდუქტების, განსაკუთრებით ხანგრძლივად.
დღეში 4-8 ტაბლეტზე მეტი მიღების შემთხვევაში საჭიროა მაქსიმალურად შეზღუდოთ მკურნალობის ხანგრძლივობა, სიმპტომების გაქრობის შემდეგ პრეპარატის მიღება უნდა შეწყდეს.
მითითება პაციენტებისთვის შაქრიანი დიაბეტით: 1 ტაბლეტი შეიცავს 475მგ საქაროზას.
ურთიერთქმედება სხვა სამკურნალო საშუალებებთან
ერთდროულად მიღებისას მცირდება კნტ-ის მიერ შიგნით მისაღები სხვა სამკურნალო საშუალებების შეწოვა. უსაფრთხოებისთვის სასურველია ანტაციდების მიღება მოხდეს ცალკე, სხვა სამკურნალო საშუალებებისგან დამოუკიდებლად.
რენის გამოყენება რეკომენდებულია სხვა სამკურნალო საშუალებების მიღებამდე 2 საათით ადრე ან მიღებიდან 2 საათის შემდეგ: აცეტილსალიცილის მჟავა; ანტისეკრეტორული H2-ანტიჰისტამინური პრეპარატები; ატენოლოლი; მეტოპროლოლი; პროპრანოლოლი; ბისფოსფონატები; ნატრიუმის პოლისტიროლსულფონატის კათიონის გაცვლითი ფისი (კალიუმის შეკავშირების უნარის შემცირება, რაც იწვევს თირკმელების უკმარისობის დროს მეტაბოლური ალკალოზის განვითარების რისკს); ქლოროქინი; ციკლინები; საგულე გლიკოზიდები; დოლუტეგრავირი; ლევოთიროქსინი; ელთრომბოპაგი; ესტრამუსტინი; ეტამბუტოლი; რკინის, სტრონციუმის, თუთიის, ფტორიდების, ფოსფატების შემცველი პრეპარატები; ფექსოფენადინი; ფტორქინოლონები; გლუკოკორტიკოიდები (გარდა ჰიდროკორტიზონისა, როგორც ჩანაცვლებითი თერაპია), აღწერილი პრედნიზოლონისა და დექსამეტაზონისთვის; ფარისებრი ჯირკვლის ჰორმონები; ინდომეტაცინი; იზონიაზიდი; კეტოკონაზოლი (კუჭ-ნაწლავის ტრაქტში მისი შეწოვის შემცირება განპირობებული კუჭის წვენის pH-ის მომატებით); ლანსოპრაზოლი; ლინკოზამიდები; ფენოთიაზინის ნეიროლეპტიკები; პენიცილამინი; სულპირიდი.
დაიცავით სიფრთხილე თიაზიდურ შარდმდენებთან და მასთან დაკავშირებულ ნაერთებთან ერთად მიღებისას (ჰიპერკალციემიის განვითარების რისკი შარდში კალციუმის გამოყოფის შემცირების გამო).
ორსულობა და ლაქტაცია
არ არსებობს სანდო მონაცემები ცხოველებში ტერატოგენეზის შესახებ. კალციუმის კარბონატის მაღალი დოზებით და ხანგრძლივად მიღებისას გამოვლინდა ანომალიების განვითარება ოსიფიკაციის სახით. ადამიანებში რეკომენდებული დოზებით მიღებისას არ დაფიქსირებულა მონაცემები მანკის განვითარების წარმოქმნისა ან ემბრიოტოქსიკური მოქმედების შესახებ. ამასთან, ორსული ქალების მიერ პრეპარატის მიღების შემთხვევების მონაცემები არასაკმარისია, იმისთვის რომ გამოირიცხოს შესაძლო რისკი. ამიტომ, ორსულობის პერიოდში ქალებისათვის პრეპარატის დანიშვნის საკითხი შეიძლება განხილულ იქნას მხოლოდ აუცილებლობის შემთხვევაში.
ორსული ქალისთვის პრეპარატის დანიშვნისას უნდა გავითვალისწინოთ, რომ მაგნიუმის მარილებმა შეიძლება გამოიწვიოს დიარეა, კალციუმის მარილების დიდი დოზით ხანგრძლივი მიღებისას არსებობს ჰიპერკალციემიის განვითარების რისკი, შინაგანი ორგანოების კალცინოზით, თირკმელების ჩათვლით.
ძუძუთი კვების პერიოდში, რენის დანიშვნა შესაძლებელია გამოყენების რეკომენდაციების გათვალისწინებით. მიღებისას დაიცავით სიფრთხილე.
სატრანსპორტო საშუალებების მართვასა და მექანიზმებთან მუშაობაზე გავლენა
არ არსებობს მონაცემები.
შენახვის პირობები
ინახება არაუმეტეს 25˚C ტემპერატურაზე, ბავშვებისათვის მიუწვდომელ ადგილზე.
ვარგისობის ვადა
5 წელი. არ გამოიყენება შეფუთვაზე მითითებული ვარგისობის ვადის გასვლის შემდეგ.
გამოშვების ფორმა
12 ტაბლეტი ბლისტერში (პვქ-ალ), პერფორაციით.
1 ან 2 ბლისტერი ფურცელ-ჩანართთან ერთად მოთავსებულია მუყაოს კოლოფში.
აფთიაქიდან გაცემის პირობები
ფარმაცევტული პროდუქტის ჯგუფი III, გაიცემა რეცეპტის გარეშე.